نجيب كيلو دقيق عليه ذرة ملح ومعلقه سكر. المهم الدقيق يكون نوع جيد, علشان يبقى فيه عرق.

نضع الماء على الدقيق. ونعجن كويس, لحد مانلاقي العجينه لينه, بتلزق شويه.

نسيبها ترتاح نصف ساعة.

نكورها كور قد البرتقال. وندهنها زيت ونسيبها ترتاح نصف ساعة.

نسخن الفرن ونفرد الكرة زي الصور. لو اتقطعت, مافيش مشكله المهم تبقى شفافه. وندهنها سمنه.

نقفلها زي الظرف وفي كل خطوة قفل, ندهن سمنه.

نخلص اول كرة, نأخذ التانيه نفردها وندهنها سمنه. ونضع الكرة الاولى فيها ونقفل زي الظرف.

ندهن كل خطوة سمنه.

نأخذ كرة تانيه ونكرر عمليه القفل.

اعملوا الطبقات إللى تحبوها.

نطلعها. لو بتحبوه طري, رشوا الوجه برشاشه الماء بسيط جداً وغطوه. والف هنا.

احلى فطير وخصوصا بالسمنه البلدي. 😋😋