فتة حمص
#اكلات_أردنية عطريقة بابا الله يطوللي عمرو يارب
إفتح في تطبيق كوكبادالخطوات
- 1
اول شي رح نبلش خطوة خطوة بالتجهيز ليسهل علينا عملها وبعدها بس منطبقهم على بعض اول شي منحط الحمص الحب مع المي بطنجرة عالغاز
- 2
بنعصج اللحمة المفرومة بنص كاسة زيت الزيتون ومنحطلها ملح وفلفل وبهار
- 3
منقلي اللوز
- 4
منقطع الخبز بجاط غميق...
- 5
منحضر الدقة بندق التوم والفللفل ومنعصر عليهم الليمون ومنحطهم على جنب
- 6
بس يغلي الحمص مع المي بنصير نحط ماء الحمص عالخبز ونصير نهرس فيه ومنضيف المي شوي شوي ليتشرب كل الخبز ماء السلق ومنحط كمان شوي من الحمص الحب منضل نهرس لحد ميدوب الخبز ويصير مومبين ان فيها خبز
- 7
منضيف الطحينية ونص مقدار الدقة ومنخلطهم منيح منيح وبعدها كوب الحمص المطحون ومنخلطهم منيح
- 8
منسكبه بالبايركس التقديم ومنساوي سطحو منيح ومندهن باقي الحمص المطحون عالوجه ثم اللحمة وهي سخنة واللوز والحمص الحب وباقي الدقة منوزعها عالوجه منيح وبعدها منسخن زيت اللحمة منيح ومنطشو عالوجه وتقدم حالا جمب كاسسة شاي ولااا اطيب من هيك فطور للجمعة او وجبة عشا وصحة وهنا
الكوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات (8)