يخلط خلطة الدجاج مع بعض ويدهن بها الدجاج ويدخل الفرن ويطبخ ومن يستوي يحمر من فوق.. ملاحظه الكميه تضاعف على حسب كم دجاجه

نبدا عند سلق الرز نضيف قليل من الزيت والملح حسب الرغبه وورق الغار والقرفه وقرنفل وعصره ليمون او ملح الليمون لتظل الحبه بحبتها ما يخبص الرز ،، وبعد نشل الرز ونصع ملعقتين سمنه ونخلطه

ثانيا نقلي البصل لين يذبل ما يتغير لونه نضيف البهارات الكامله ونقلبها لين تظهر ريحتها وبعدين نحط الثوم ونقلب ومن تطلع ريحته نحط الزنجبيل ونقلب شوي نضيف الطماطم والفلفل الحلو ونضيف البهارات المطحونه ونقلبهم ونحط شويه ماي ونخليها تطبخ ونرش كزبره مقطعه ناعم

بعد ربع ساعه تقريبا نكون ناقعين شعر الزعفران بماي لللون ،،، والحين التطبيق نضع بالطنجره ملعقتين سمن وفوقم طبقه زر وطبقه خلطه واخر طبقه تكون رز تحطين ماي الزعفران عليها بشكل اكس وغلفيها بقصدير وغطيها زين وخليها على نار خفيفه تتبخر..

وبعدها نقلبها ونرص الدجاج عليها وماكول الهنا وان شاء الله تعجبكم واتمنى اكون فصلتلكم الاكل 🤗

ملاحظه: واذا تحبون الزبيب تنقعون الزبيب بماي دافي لين يفتح وبعدها تقلونه بشويه زيت ويزين فيه وجدا لذيذ ومفيد وممكن تقلون شرحات بصل لون ذهبي وتزينون فيه الطبق او مكسرات وممكن تسلقون بيض ويتزين فيه على حسب رغبتكم