اذا ما عنا الانجينار طازجه يعني الثمره نفسا في منقشرو و منحفرو وما منكب الورق منطبخون مع اكله تانيه ، الى عندي كان معلب و مع هيك كان بدّي فرز الزايد منو عشان ما يخرب

منغسل الانجينار ومنشوحه عَل نار لحد ما يشقر ، في ناس بفضلو يسلقوه مع ليمون ، شي بيرجعلكم

طبعاً الى بدو يتفرز منتركو ليبرد و بس برد منغلقون ب نايلون ومنحطور بالفريز

بنفس الزيت البقيان منقلي البطاطا و بس تستوي منشيلا على جنب و منقلي اللحمة و البصل و لما يستوو بنضيف جزر والبزاليا و منرجع منحط البطاطا و البهارات و هيك الحشوه بتكون جاهزه عنا

منحط الحشوه بلانجينار و منضيف الماء و الماجي و بس بلشت الماء تغلي منضيف الليمون و شويه ملح و فلفل و شطه عشان المرقه تطلع طيبه و منتركا عَل نار من 15-٣٠ دقيقه

ملاحظه بعد الخطوه ٥ : لازم نتاكد انو بعد إضافه الماء انو ما تكون ملزقه بالمقلايه او الطنجره يعني لازم نحركا كل شوي

في ناس بفضلو يحطوا بالفرن بعد ما بضيفو الماء و في ناس عَل غاز بتعملا

ملاحظه : سواء بالفرن او عَل غاز كل شوي خدو من المرقه و حطوا عَل حشوه عشان ما تنشف و عشان طعمه الليمون تتغلغل فيا لانو الماء ما رح تكون مغطيه الانجينار مع الحشوه

ملاحظه :فيكم تستغنو عّن الجزر او البطاطا او الماجي بس اهم شي اللحمة و البزاليا و الليمون و فيكم تضيفو لحمة زياده عحسب كميه الانجينار الى عندكم ، لازم تسكرو الغطا عشان تستوي اكتر بالبوخار و اذا بتحبو الماء او الليمرن زياده فبضيفو زياده

تقدم مع الأرز 🍲 صحتين و هنا 🙏🏻