العجينة بنفس طريقة العجن متاع الميني بيتزا

اللحمة :

نجيب ست البت نحط فيها اللحم المفروم و البطل و الطماطم و الفلفل و المعدنوس (بقدونس) و التوابل متاعي و نرحيهم كلهم مع بعضهم حتى يبدا قوامهم ناعم

صلصة الطماطم :نجيب طنجرة نحط فيها شوي زيت و الطماطم و صلصة الطماطم و الملح و نغطيها و نخليها على نار هادية حتى اطيب و تتهبز معاي

نجيب صحن كبير نحط فيه خليط اللحم المفروم الى درته و نحط عليه صالصة الطماطم الى طيبتها و نخلطه في بعضهم كويس

هني يجي دور العجينة ،نقسمها كور صغار و نحلها ب الدقيق رقيقه واجد و نأخذ كل دائرة و نحطها على طاوة ساخنة على النار ،اول ما تبدا تنتفخ معاي نقلب العجينه و نحط مقدار ملعقة كبيرة من لحم المفروم و نفرده على العجينة و نغطيها حتى اطيب و تتحمر الصفيحة من لوطا

اهم شي ان كل صفيحة انطيبها ،انحيها من النار و نغطيها طول ،بيش تحافظ على الرطوبة متاعها ، و هكذا حتى اتكملي المقدار كله ، و صحتين🥰