بالنسبة للصفيحة هي عبارة عن لحمة ناعمة وبصل ناعم بنطحن كيلو لحمة عجل او لحمة خروف اذا بنحبها دسمة وبنطحن لكيلو اللحمة كيلو بصل بنحط البصل على النار لحد متنشف ميته وبنضيف اللحمة بنشوحها ليتغير لونها وبنضيف ملح هيل فلفل اسود وقرفة وتقريبا كاسة خل فواكه وبنقسم كمية اللحمة نصين نص بنضيف عليه بندورة مبشورة بدون قشرتها ورب بندورة والنص التاني بنضيف فنجان طحينة وبنمدها على العجين وعلى الفرن بحرارة متوسطة لحد متتحمر وصحتين