دى المكونات بتاعتنا بسيطة وسهلة

اول حاجة اشغل الفرن وبعد كدة أضيف الدقيق والكاكاو مع البيكنج بودر واللبن البودرة وانخلهم كويس اوى وعليهم رشة ملح خفيفة..اركنهم على جمب. احط البيض والفانليا والسكر فى بولة غويطة واضربهم كويس اوى لمدو لا تقل عن ٢٥ دقيقه لغاية ما احصل على قوام كريمى

هو دة القوام المطلوب

دة الدقيق والكاكاو واللبن بودرة بعد ما نخلناهم اكتر من مرة ومعاهم البيكنج بودر

ابتدى أضيف شوية واقلب من تحت لفوق ومش الف خالص اقطع بالملعقة من النصف ومن فوق لتحت عشان الخليط ما يهبط اخلص الدقيق كلة

اكون محضرة قالب فية ورق زبدة واحط فية الخليط

احنا متفقين اننا قبل اى شئ الفرن شغال وسخن معانا هندخل الصنية فى الرف اللى فى النصف وتكون درجة الحرارة ١٨٠ لمدة ٤٥ دقيقة وعلى حسب الفرن عندك هتطلع بالشكل دة شيلى منها ورق الزبده واغطيها على طول علشان ما تنشف ولما تبرد تماما ابتدى اقطعيها