في جفنة نضع الطماطم المصبرة والتوابل ملح وفلفل اسود وملعقة كبيرة كسبر وفلفل احمر. والثوم والزيت حوالي ثلاث ملاعق كبار ونضيف قليل من الطماطم المرحية ونتبل اللحم والدجاج جيدا ثم نضعه في طنجرة ونضيفلو باقي الصلصة ثم نضيف البصل المقطع خشين والطماطم لي بقات ودبشة ونخليهم يتقلاو جيدا هنا لي يحب الحار يضيف وبعدما يتقلى اللحم جيدا نمرق عليه حوالي لتر غير ربع ماء ونخليه يطيب بعقلو

في هاذ الاثناء نحضر الشخشوخة انا بصراحة بعثتهالي جدة ربي يحفظها المهم طريقتها كيما المفرمسة لكن هاذي منجريوهاش بزاف ومنكثرولهاش الزيت ونخليوها شوي خشينة فقط كي نديرها محضرلكم الطريقة

بعدما يطيب اللحم والدجاج ننزعهم ندهنهم قليل من المرق من فوق ونحطهم في الكوشة يتحمرو من فوق فقط والمرق نضيفلو الشخشوخة بشوي حتى تشرب كامل المرق ونزينها بالدبشة والحار