اولا نخلط المرغرين مع السكر والفاني ورشة الملح ومبشور الليمون جيدا بالفوي ونزيدو البيضة ونخلط ونزيدو الفرينة وملعقة صغيرة خميرة كميائية حتى تتلم العجينة ونحطوها ترتاح نصف ساعة ثم نطرحوها على طاولة العمل ثم نحطوها فالمول ونسوي الشكل ونثقبوها ونحطو عليها حبات الجلبانة يابسة وندخلوها للفرن متوسط الحرارة حتى تطيب وتحمر

ومن جهة نحطو عصير الليمون والماء وباقي المواد في كاسرونة ونخلط بالفوي جيدا ثم نصفي الخليط ونرجعوه في الكاسرونة على نار هادئة ونحرك بملعقة خشبية باستمرار حتى يخثر الخليط ونحطوه يبرد تماما ونزيدولو كوب كريمة شونتي مخفوقة (اختياري)

وقبل هاذا كامل نكونو حضرنا من قبل المرانغ اي قبل العجين لانو ياخذ وقت اولا نوزن بياض بيضتين ونزيدو الضعف تاعها سكر عادي ونخلطهم مع بعض على حمام مائي حتى يبدا يدفا ننزعه من النار ونخفقه بالخفاق الكهربائي جيدا حتى يثقل الخليط ويصبح لامع نشكله كما في الصورة ونحطوه يطيب على نار هااااادئة 100درجة والفرن يكون شوي مفتوح للفرن الغازي اما الكهربائي يستخدمو المروحة

وبعدما يطيب نحطوه جانبا ونكمل طبعا العجين ونزيدو الكريمة نحطوها بكمية كافية ونحطو عليها المرانغ برفق ونضغط بالشوي لكي لاتتكسر ونحاول نلصقها مع الكريمة ونزينها بشرائح الليمون واوراق النعناع

وهنا فكرة اخرى في حالة ما اذا تكسرت 🤔😉👍وانا هنا ماستعملتش كريمة الشونتي مع كريمة الليمون

وتقدرو تحضروهم فرديين 🥰🥰