نخلط مقادير الصابلي بالطريقة المعروفة اولا المرغرين مع السكر الناعم والفانيلا ورشة الملح جيدا ثم البيضة ونخلط وفي الاخير الخميرة والفرينة حتى تتلم العجينة نحطوها ترتاح لربع ساعة فقط ثم نطرحوها ونقطع دوائر نثقبوهم ونحطوهم يطيبو على نار متوسطة

ومن جهة نخلط مقادير الحشو ونحطوها في جيب حلواني

ومن جهة ايضا نذوب الشكلاطة البيضاء والسوداء ونأخذ قليل من البيضاءنمزج معها قلييل من السوداء المهم نحصل على لون بني فاتح ونحطو الاسودوالبني فاتح في جيب حلواني والابيض نفرغ بالشوي في مول مدور او في المول الشفاف بعدما نمسح شكل الليمون ونحطو عليه الشكلاطة البيضاء

ونزيدو الخطوط بالاسود ونشكل رسمة الفهد كما في الصورة المهم هنا لازم تكوني خفيفة في العمل واذا جمدت الشكلاطة عاودي حطي الجيب الحلواني في صحن على حمام مائي

ونحطوه يتماسك في الثلاجة لدقيقة فقط

ومن جهة نحطو شوي من كريمة زبدة الكراميل من جوانب الصابلي وفي الوسط نحطو شوي كراميل التوفيا ونلصق الحبة الثانية ونزيد نلصق دائرة الشكلاطة بالتوفيا ونحطوه من الفوق على الصابلي