أول خطوة نشوي الفلفل والبادنجال فوق الريشو، نديرو في ساشي ونبلّع عليه باش يعرق ويسهل تنقيته

نقيه مليح ونقطعو قطع صغيرة، نوجد تاني الثوم نقيها ونقطعها (الفلفل يحب الثوم) ، نحي القشرة الطماطم ونقطعها قطع صغيرة (من الأحسن مقطعة ماشي مرابية).

نجيب مقلاة ونضع فيها القليل من الزيت نخليها تسخن ونضيف عليها الثوم مقطع ونخليه يتقلى (عسوه بلخف يتحرق) نضيف الطماطم باش ما تطلقش الماء بزاف ونخليها تتقلى مليح

نضيف الفلفل والبادنجال المقطعين نحرك مليح وفي هاذ المرحلة عاد نضيف الملح ونقصو للنار ونخليه يطيب على خاطرو حتى يتجمر وينشف تقريبا من الماء
ملاحظة: كنت حطيت من قبل الفلفل طايب بحدو يجي حتى هو بزاف بنين

ويقدم بألف صحة وهنا.