تحلية صيفية خفيفة 🍰
#كرنفال_الصيف
هادي الوصفة خفيفة و ساهلة و مقاديرها مضبوطة ...تابعو معي 😘😘😘😘
إفتح في تطبيق كوكبادالخطوات
- 1
في اناء نحط البيض و السكر و مبشور الليمون و رشة ملح و نخلط جيدا بالمضرب اليدوي بعدها نضيف الزيت الحليب و نخلط جيدا و نضيف الفرينة و الكاكاو و الخميرة الكميائية و نخلط جيدا.
- 2
نجيب سنيوة 30 ×24 سم ندهنها بقليل من الزيت و نفرغ فيها الخليط و ندخلو يطيب فالفور و نحطو في الوسط. بعد فترة ندخل الموس في العجينة اذا لقيتو ناشف نطفي عليها و نخرجها لانها بالكاكاو مايبانش اذا طابت و لالا عليها لازم تدخلو الموس.
- 3
لما نخرجها مباشرة نشربها بنصف كاس قهوة باردة او حليب نشربها على دفعات و نخليها بجيه.
- 4
نحضر الكريمة : في اناء نحط كاس ماء و الفلون و المايزينة و نخلطهم و نحطهم فوق النار لما يغلي الخليط نطفي عليه و نخليه يبرد و ندخلو المجمد يبرد قليلا. لما يبرد نضيفله بودرة الشونتي و نخلط جيدا بالخلاط الكهربائي حتى نتحصلو على كريمة خفيفة. بودرة الشونتي ستعملها فقط من اجل الحصول على كريمة خفيفة و ذوق مميز.
- 5
نفرغ الكريمة فوق البسكويت بعدما يكون برد تماما و ندخلها الثلاجة تبرد قليلا و نقطعهاو نقدمها مع عصير.
- 6
ان شاء الله تعجبكم شهية طيبة 😘😘😘😘
الكوكسناب
وصفات مشابهة
وصفات ننصحك بمشاهدتها
التعليقات (12)