خبز الطاكوس تلمي كل المكونات مع بعض ثم تضيفي الماء الدافئ تدريجيا حتى تتحصلي على عجينة طرية ومتماسكة تعجنيها حتى تصبح ملساء

تقسميها الى 10 كويرات تغطيهم وتتركيهم يرتاحوا مدةساعةالا ربع

تطرحي كل حبة على شكل دائرة رقيقة(رقيها على قد ماتقدري)...(استعيني بالنشاء او الفرينة)

طيبيها على نار قليلة نصف طياب فقط حتى تبقى طرية معاك نغطيهم جيدا من الهواء لحين استعمالهم

حشوة الطاكوس في صحن كبير تحطي قطع صغيرة من صدر الدجاج وحبة بصل مقطعة تضيفي علية ياغورت طبيعي ملح فلفل اسود واحمر بابريكا توابل الشاورما ثوم غبرة ملعقة كبيرة خردل زيت نباتي ملعقة كبيرة عصير الليمون (انا نخلطهم بليلة من قبل والا معندكش الوقت خلطي الحشو بساعة قبل

تحطيه يطيب على نارمتوسطة مع التحريك المستمر حتي يطيب الدجاج

الصلصة في كا سرونة تحطي فنجان حليب يسخن وتضيفي عليه كمية من الجبن الطري وتحركي حتي يصبح كريمي تضيفي شوية فلفل اسود ملح القليل من المعدنوس الجاف او اي من الاعشاب الجافة

تاخدي حبة الطاكوس تحطي الحشو والبطاطا المقلية والصلصة وتلفيها جيدا وتحمريها في الة البانيني