في اناء نحط مكونات العجينة و نلم بالفرينة حتى نتحصل على عجينة طرية نغطيها و نخليها ترتاح.

لتحضير الصلصة : في اناء نغسل كل الخضر نجيب مقلة نسكرفج فيها حبة بصل مع قليل من الزيت و رشة ملح نحطهم فوق النار يتقلاو بعدها نضيفلهم حبة كورجات مسكرفجة و نخليهم يزيدو يتقلاو ميلح.

بعدها نسكرفج فوقهم حبة طماطم و نضيفلهم قطع جبن كبيرة و حوالي نصف كاس ماء نخلو لما يذوب الجبن نطفي عليهم و نضيفلهم حبة ثوم مسكرفجة و قصبر و زعتر و نخلط جيدا و نخليهم بجيه.

نجيب الفلفل و الزيتون الاسود و نقطعهم قطع صغيرة و نخليهم بجيه.

لما تخمر العجينة نهبطلها التخمار نقسمها الى 4 اجزاء. نرش طاولة العمل بالفرينة ونجيب جزء نحله بالحلال على شكل دائري ونجيب طبسي نحطو في الوسط و ننزعه يخلينا اثر دائرة نجيب كريمة الجبن نديرها في كيس حلواني ونشكل دائرة بالكريمة على حواف اثار الطبسي بعدها نطوي عليها العجينة ونجيب مقص نقص كل حواف العجينة حتى نتحصل على الشكل لي فالصورة.

هادي العملية نديروها بعدما نكونو حطينا العجينة فيسنيوة مدهونة بعدها نجيب الصلصة لي حضرناها وندير جزء منها فوق العجينة و بعدها نجيب حبة بيض مع قطعة جبن كبيرة نخلطها بالبرا ميكسور نتحصل على خليط سائل نوعا ما نجيب ملعقة اكل و نفرغ قليلا فوق الصلصة ونجيب قطع الفلفلو الزيتون ونزين بيها وندخلها للفور لي نكونو شعلناه من قبل على نار قوية.

لماطيب وتتحمر قليلا نحيها من الفور و نقدمها مع عصير او صودا ونكمل هكدا مع باقي الاجزاء.

ان شاء الله تعجبكم شهية طيبة 😘😘😘😘