خبز البصل الرمثاوي 😍
اكلتنا اليوم اكلة تراثية ومشهورة بالرمثا ،، بتتكون من عجين عويص وبصل وزيت .... بطريقه #صديقتي_حبيبه قلبي #ام_جيلان
خبز البصل الرمثاوي 😍
اكلتنا اليوم اكلة تراثية ومشهورة بالرمثا ،، بتتكون من عجين عويص وبصل وزيت .... بطريقه #صديقتي_حبيبه قلبي #ام_جيلان
إفتح في تطبيق كوكبادالخطوات
- 1
اول شي بنخلط الطحين مع السمسم وحبة البركة والملح ونعجن بالماء الدافي لحتى نحصل على عجين طرية نوعاً ما وبنتركها ترتاح اقل شي ربع ساعة.....بعد ما ارتاحت العجينة بنكورها كرات او اقراص حسب حجم الرغيف اللي بدك اياه او حسب حجم فرنك
- 2
بس نكمل تكوير العجين بنغطيه بنايلون وبنتركه يرتاح من ثلث ساعة ل نص ساعة اقل شي.
- 3
بنذبل البصل بطنجرة بنحط البصل المفروم والزيت والملح والكركم والفلفل الاسود والكمون والماجي ووعالنار بنحركهن وبنتركهن يتذبلو عالهدا لحتى يستوي البصل ويذبل بنتركه يبرد
- 4
١___بنجيب اول قطعة عجين بنفردها وبندهنها من خليط الزيت والبصل وبنطبق اطراف الرغيف لجوا مع دهنهن بالبصل والزيت لحتى يتكون معي مربع بنشيله وبنحطه على جنب.
- 5
٢__بجيب كرة عجين ثانية وبفردها وبدهنها بصل وزيت وقبل مااعملها مربع بحط بنصها مربع العجين اللي عملته بالاول وبعد هيك بعملها مربع نفس ماعملت بالقطعه الاولى مع دهن الاطراف بالزيت والبصل وبنحطة على جنب
- 6
٣__بجيب كرة عجين ثالثة وبفردها وبدهنها بزيت وبصل وبحط بقلبها المربع المكون من قطعتين عجين اللي عملناهم بالاول وبنطبق العجين مربع كمان مع دهن الاطراف بالزيت والبصل وبنحطه على جنب كمان مرة
- 7
٤__بنجيب الكرة الرابعه والاخيرة بالرغيف وبنفردها وبندهنها بزيت وبصل وبنجيب المربع المكون من ثلاث قطع واللي تركناه على جنب بنحطه بقلب العجينة الرابعه وبنطبقها مربع مع دهن الاطراف بالزيت والبصل وهيك بنكون كملنا اول رغيف خبز بالبصل بنتركو يرتاح اقل شي نص ساعة وبنكمل باقي العجين بنفس الطريقة كل رغيف مكون من ثلاث او اربع قطع عجين
- 8
بعد ما كملنا ارغفة الخبز وكل رغيف مكون من 4 كرات عجين مطبقين بقلب بعض وتركناهم يرتاحوا نص ساعة بنحمي الفرن على اعلى حرارة
- 9
بنجيب صينية الشوي وبنحط فيها شوية زيت زيتون وباخذ اول رغيف وبفردو وبحاول مااقرب من الاطراف بس من النص بفردو لحد ماتحسي انه انفرد معك بشكل متساوي بعدها بحط الصينية بالفرن من تحت يعني يكون فوق النار مباشرة وبس يتحمرو الاطراف من تحت بنحطو عالتحمير وبس يتحمر بنشيلو بنحطو على فوطة مطبخ ونرش على وجهو رشة سماق ونغطيه ونكرر نفس الطريقة مع باقي الارغف
- 10
صينية الدجاج :
بنقطع راس البصل شرحات او ناعم مثل مابتحبي ، وبجيب الدجاج المنظف والمقطع وبنضعه بصينية مع البصل ورشة ملح ورشة فلفل اسود ورشة كمون خفيفة جداً وزيت زيتون و وبنخلطهن سوا وبنرتب الدجاج وبحطله كاسة ماء وبغطيه بقصدير ،،، وعلى الفرن ساعة وبعدها بشيل القصدير وبحمرو على الجهتين ،
- 11
بنحط الخبز بالبصل بصينية تقديم مناسبه وبشيل الدجاج من الصينية وبرتبو على وجه الخبز وبرش للجاج سماق وبزين باللوز والليمون والبقدونس
- 12
ويقدم بالف هنا وعافية 💕💓
- 13
بعتذر لقله الصور وقت التطبيق ولكن ان شاء الله اضيفهم بالمرات القادمه ☺️
وصفات مشابهة
وصفات ننصحك بمشاهدتها
التعليقات (14)