نجيب البسكويت تاعي نشمخو في الحليب ونستفو في بلا ندير زوج طبقات ونخليه على جهه

في قدرة على نار هادئة نذوب 6 ملاعق سكر حتى نتحصل على كراميل نضيف عليه نصف لتر حليب ذوبنا فيه 3 ملاعق كبار معمرين مليح نشا نخلط جيداً حتى يذوب السكر وكي تعقد نسكبها على البسكويت وندخلوه للفرن

الطبقة الثانية في قدرة نحطو نصف لتر حليب 3 ملاعق كبار نشاء 3 ملاعق سكر او اكثر حسب الرغبة وملعقتين كاكاو نخلط بارد غي بارد ونحطو على النار كي تبا تعقد نضيف علبة شوكولاتة وقطع زبدة ونخلط مليح ثم نضيفها كطبقة ثانية ونرجعها تبرد

في قدرة نحطو 3 ملاعق سكر نخلوهم يتكرملو ثم نضيف عليهم ملعقة نشاء مذوبة في نصف كاس سكر نتحصل على كراميل

نجيبو التحلية تاعنا باش نزينوها بقطع الموز والكراميل ونرجعوها تبرد مليح وتشد روحها وشهية طيبة♥️♥️💝