بسم الله اولا في قدر نحط السمن و الزيت و لما يسخن جيداً نضيفلو افخاذ الدجاج بعد ما كنت نظفتها و غسلتها و نخليه يتحمر و يدي لون ذهبي هنا في وعاؤ نحط 1 و نصف كأس ماء مع الملح و الفلفل أسود و نحطو في القظر لي فيه الدجاج و نغلق و نحسب 30 د على نار متوسطة و هنا يكون كلشي طايب (انا استعملت كوكوطا)

بالنسبة للبطاطا نقشروها و نقطعوها و نقلوها بشوية ملح و لما ننتهي نفتح الكوكوطا و ننزع الدجاج نصيبو المرق هنا نضيف البطاطا مع الثوم و نخلط الكل و نضيف فوقها الدجاج و نخليها 5د فوق نار هادئة خنى تتشرب شوية مرق و بعدها نطفي نار و تتقدم و انا زينتها بشوية لوز اختياري و شهية طيبة 💛