في قصعة ديري كأس حليب دافئ وزيدي معاه السكر وزيدي ديري زوج مغارف كبار فرينة ومغرف نتاع الخمارة وخلي الخليط يتفاعل 10دقائق ومن بعد ديريلو بياض بيضة والفانيلا وزاست ليمون وزيدي الزيت وقرصة الملح وخلطي مليح المكونات ومن بعد زيدي الفرينة مغربلة تدريجيا ومع الفرينة ديري مغرف ص من خمارة الحلوى

وخلي العجينة طرية ومن بعد ديري نصف مغرف مرغرين و دخليها مليح في العجينة ومن بعد غطي العجينة وخليها تخمر وبعد ماتخمر مليح هبطي لخمور نتاعها وقسميها لكورات وحشيهم بالشكولا او معجون وكوريهم مليح ودهنيهم بصفار بيضة مع قطرات من الخل ورشة فانيلا ومن بعد خليهم حتى يخمرو مليح ومن بعد ندخلهم للفرن نكون سخنتو مليح وبعد مايطيبو من تحت نشعل عليهم يحمارو من فوق وبعد مايطيبو ندهنهم بالمعجون ونرش فوقهم كوكاو مرحي او سكر ناعم