بسم الله و الصلاة و السلام على رسول الله صلى الله عليه و سلم.

في الأول نغسل مليح السلق ونقطعو ونديرو يفور حتى يطيب من بعد ما يبرد نعصرو مليح من الماء ونخلطو مع اللحم المفروم والتوابل والبيض والجبن ونعجن مليح ونشكلهم كرات ونرمدهم في الفرينة ونقليهم.

في نفس الوقت نوجد الصلصة نقلي البصل و الثوم في الزيت حتى يدبالو ونزيد الطماطم المرحية والتوابل والطماطم المصبرة ، نخليهم يتقلاو مليح ونمرق بثلاث كيسان ماء فقط لانها ما تخدش طياب بزاف بعد عشرة دقائق وهي تغلي نزيدلها الكرات تاع السلق ونخليها تكتك نصف ساعة على الاكثر وتكون جاهزة انا قدمتها مع البطاطا مقلية وبالصحة.