نبدا نزيد الفرينة بتدريج مع لخميرة الحلوى ونبدا نطم بواسطة الأصابع فقط منعجنهاش وكي تنطم العجينة نغطيها بورق شفاف ونخليها ترتاح

نحضر الكريمة في هذه الأثناء نحط الحليب في كسرولة فوق نار نجيب اناء اخر نحط النيشا والسكر والبيضة ونخلطو مليح نجيب الحليب بعد ما يدفا نضيف نصفو ونخلط ونعاود نفرغ كامل الخليط في كسرولة ونخلط ونحطو فوق نار هادئة

نبدا نخلط حتى يثقال الخليط نحيه ونزيد له العطر فراولة وملعقة زبدة ونخلطو ونغطيها بورق شفاف فوق الوجه مباشرة

نجيب العجينة نحلها فوق طاولة العمل ونحطها في المول ونثقبها بلشوكة ونحط ورق طهي ونحط فيه حمص او فاصوليا ونديرها تطيب في فرن ساخن