أولا نبدأ بالاناناس شرائح نقطعو قطع صغيرة نحطو في مقلاة على نار متوسطة نضيفلو نصف ما زبدة والسكر ونبقى نقلب فيهم فوق نار حتى يتكرمل الخليط ويتنشف ولاصوص تأخذ لون بني فاتح نطفي عليها ونخليهاوتبرد

نحضر الكريمة تاعي في كاسرول نحط البيض السكر الفاني النشا نخلط بفوي حتى يندمج كلش نضيف خليط الحليب والعصير ونحطو فوق نار قليلة حتى يثقال الخليط نطفي ونضيف زبدة ونخلط حتى ذوب زبدة

نفرغ الكريمة في كؤوس التقديم ونخليهم يبردو قليلا نضيف طبقة ثانية تاع الأناناس المكرمل مع لاصوص لي طلقهها نضيف فوقها صوص كراميل اما لي يتباع جاهز او نخدمها في دار نضيف طبقة خفيفة من كريمة شانتيه لي نكون طلعتها مع الماء ندير خطوط من كراميل ونضيف لوز ايفيلي حمصتو قليلا وشهية طيبة