اولا نحكموا البصل والثوم نڨشروهم ونغسلوهم ونمكسيوهم مليح وفي كوكوطة نحطوا تلزيت والدجاج ونحطوا عليهم البصلة والثوم ونخليهم يتقلاو مليح

وبعدما يتقلاو نمرقوا بالماء ونخليوها تغلي وكي تغلي نسكر عليها ونخليها تصفر حتى طيب

وبعدما يقطر نجيبوا طاوة ونحطوا فيها مغرفة مرغرين ونخليوها ذوب وكي ذوب نفرغ عليها الرز ونحركوا مليح حتى تدخل فيه المرغربن

وبعدما تدخل فيه المرغرين نحطولوا زوج كيسان ونصف ماء ومغرفة صغيرة ملح نغطيوه ونخليوه حتى يبدى يدير فالفقاعات ونقسوا للنار ونخليوه يطيب

نخليوه يطيب منتلاحوش ليه

وبعدما يطيب يجي هكذاونحطولوا شوية زبدة من الفوق ونحيو شوية لغطاء باه يبرد

تكون المرقة وجدت نجيب البلا ونفرغ فيه الرز ونفرغ عليه الحمص والمرڨة ونخلطوه مليح

نغطيوه بورق الالمنيوم وندخلوه للكوشة يطيب