بسم الله والصلاة والسلام عليك يارسول الله

نحضر الفطير أولا في قصعة نعجن سميد رطب +الملح ونلم بالماء نتحصل على عجينة متماسكة وطرية نغطيها نخليها ترتاح

ندهن سطح العمل بالقليل من الزيت ونحل العجينة ونثقبها من لجهتين نطيبها في طاجين طين أو حديد ثم نفتتها نغطي الفتات حتى يبقى سخون

نشوي الطماطم والفلفل

عندي فلفل أحمر يابس ننزع الرأس والقشور ونشمخو في ماء مغلي حتى تطرى القشرة ويرطاب

بواسطة البرا نميكسي الفلفل والطماطم المشويين

في مهراس خشبي خاص بالبطوط أو الزفيطي ندرس الثوم مع الملح

ندرس معاه الفلفل الأحمر والدبشة ونضيف الدرسة الطماطم والفلفل ونحط الكل في طاوة فوق النار يهزو الغلية ونطفي

نرجع الخليط للمهراس الخشبي ونتبل ب ما ص ملح وم ص كراوية وم ص راس الحانوت نضيف فتات الفطير ونهرس براس المهراس ونحرك من تحت لفوق حتى يدخل الصوص في الفطير ومرة على مرة نضيف قليل من الماء الساخن من فوق نضيف الدبشة مقطعة وبالصحة والعافية