نضع في وعاء البيض ،الملح ،الدهان،نضربهم بالباتار مليح نزيد سكر ناعم ونخلط نزيد المايزينة ولفاني ونواة كوكو ونخلط نزيد الفرينة والخميرة الكيميائة ونلم العجينة طري،نحلها بالوراق ونشكلها وندخلها طيب على نار متوسطة.

نضع في غرفية مربى المشمش مع ملعقة كبيرة حلوة الترك ونخلطهم مليح ،ونلسق حبة فوق حبة ونرمدها في الجوانب بالكوكاو.

مورانغ:نضع في وعاء بياض البيض ،ملح ونطلعهم بالباتار حتى يولي الخليط أبيض نبقا نزيد فالسكر بالتدريج حتى يطلع ،نجيب قدر به ماء ساخن ونحط الوعاء فوقها ونبقا نخلط حتى يثقال الخليط ويصبح مورانغ.

نعمر المورانغ فالبوشات ونزين بيها القاطو نعاود نرجعه لصينية وندخله الفرن ،نشعل الفرن غير من الفوق ونخلي المورانغ تنشف مدة 5 أو 8 دقائق ونعاود نخرجه ونزينه بالمربى في الوسط ونخليه يبات ليلة كامة حتى ييبس.