نبدا بسم الله ونقطع البصل والبطاطا الى مربعات ثم نجيب مقلاة نحطها فيها م ك زيت ونحطها عالنار ثم نحط البصل ونقليه مليح ثم نضيف عليه حبة طماطم مرحية وم ك طماطم مصبرة

نضيف عليهم م ص ملح وم ص فلفل اسود وم ص عكري حلو ونخلط مليح ونحط معدنوس مقطع ونقلي الكل مليح ثم نضيف كاس ماء ونغطي عليهم ونخليهم حوالي 10د

بعد ذلك نجيب مقلاة اخرى نحط فيها كمية من الزيت ونحط البطاطا تاعي نقليها ثم نحطها في صحن ونرجع نطفي عالصلصة تاعي

بعد ماطابت الصلصة نحط عليها مباشرة البطاطا المقلية ونحط جبن طري قطع ثم نخلط 2حبات بيض مليح ونفرغهم مباشرة عليهم

نحط جبن مبشور وزيتون اخضر مقطع ومعدنوس مقطع ونخلي البيض يطيب

فالاخير نطفي النار ونقدمو في صحن التقديم جات بزااااف بنينة دون لحوم وسهلة التحضير