حلوى جافة بحشو الكاوكاو
إفتح في تطبيق كوكبادالخطوات
- 1
نبدا بسم الله ونجيب ريسبسيون نحط فيها 250غ زبدة بحرارة المطبخ ونحط السكر الناعم و2بيض وم ص فانيلا ونخلط بالباتور مليح ثم نضيف كاس الاربع كاوكاو محمص ومرحي ونخلط
- 2
ثم نحط الكاكاو البني ونخلط مليح ونضيف نصف علبة شامية ونواصل الخلط ونبدا نضيف فالفرينة تدريجيا مع كيس خميرة كيميائية
- 3
نلم العجينة بالفرينة حتى نتحصل على عجينة طرية نوعا ما نفطيها ونخليها ترتاح ونرجع نحضر الحشو نجيب صحن نحط فيه الكاكاو المحمص والمرحي ونحط عليه المواد كوكو مرحي وم ص فانيلا
- 4
ثم نحط م ك زبدة وندخلها فالخشو مليح ثم نلمها بماء الزهر ونخليها ترتاح
- 5
نرجع العجينة تاعي ونلمها مليح ونبدا نشكلها كرات بوزن 20غ العجينة و10 غ الحشو تاعي ونغطيهم
- 6
نبدا نشكل الحلوى تاعي نحط كرة من العجينة على كف اليد ونحط كرة من الحشو ونغلق عليها ونشكلها مليح ونجيب ورق طبخ نحطو فالسينية ونحط الحلوى تاعي حتى نكمل كامل الكمية
- 7
بعد ماكملتها نشعل الفرن يسخن وندخلها تطيب من تحت ثم نشعل لها من فوق لكن مانخليهاش تطول من فوق ونخرجها ونخليها على جنب ونجيب صحن نحط فيه العسل وصحن نحط فيه قوفريط ذوق شكولا
- 8
نبدا نغطس حبات الحلوى فالعسل ومباشرة فالقوفريط حتى نكمل كامل الكمية
- 9
الشكل النهائي الحلوى تاعي جات بزاااااف بنينة تستاهل تجربوها وتذوب فالفم وتناغم كبير بين الكاوكاو والشمية والقوفريط
الكوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات