نضع في وعاء الدجاجة نزيد عليها الماء حتى تتغطى نزيد نقطع الليمون ونعصره نزيد نصف ملعقة كبيرة ملح ونزيد الخل ،نغطيها ونخليها مدة ساعة.

منبعد نغسلها مليح في هاذاك الخليط تاع الليمون و الخل والملح ونديرها فالكسكاس تقطر مع شراءح الليمون مدة ساعة أخرى.

كي تنشف مليح مليح نحطها على جيهة ونوجد التتبيلة لي فيها (نصف ملعقة كبيرة ملح ،جومبو، كمون ،فلفل أسود،فلفل أحمر ،سكنجبير ،توابل الدجاج ، زيت ،ماء،) نخلطهم مليح ننزع منهم ملعقتين كبار ونخيهم على جية فالاخير نحتاجهم.

نضع في وعاء الأرز المغلي نضيف له الزيتون نزيد ملعقة كبيرة من التتبيلة ونخلطهم مع بعض.

نحكم الدجاجة نتبلها ميلح بالتتبيلة من الداخل وما بين الجلد واللحم من الخارج نحط بداخلها الثومة ونعمرها بالارز منبعد نخيطها ونربطها بالخيط ندوره عليها ونحطها في الينية ونغلغها بورق الطهي وورق الأليمنيوم ثم ندخلها الفرن على نار قليلة مدة ساعتين من الاسفل.

منبعد نخرجها وننزعلها الغطاء ونفرغ لاصوص تاعها في كسرونة ونطليها من الفوق بالتبيلة لي خلينها ونشعل عليها من الفوق ونخليها تتجمر وفي كل مرة نسقيها بلاصوص باش متنشفش حتى تكمل طيابها وشهي طيبة.