نخلط الماء مع ماء الزهر

نضع في وعاء الفرينة ،الملح،نخلط جيدا نزيد الزيت ونفتلها مليح ثم نضيف الماء و ماء الزهر ونلم العجينة ندلكها مدة 5 دقاءق ،نلمدها في كيس بلاستيكي ونخليها تبات ليلة كاملة.

منبعد ما تبات نقسمها على 2 ونحلها على شكل مستطيل طويل ونرش المايزينة نكثرلها شوي ونروليها حتى نتحصل على حربوش،نعبر قد إصبع ونقطع منبد ما نڨطعهم نحلهم بالحلال شوي طوال ونخليهم 5 دقاءق.

نضع الزيت فالمقلات على نار متوسطة منبد ما يغلا نبدا نقلي بالحبة ،نرميها فالزيت ونعاود نقلبها على التوراق ونرمي عليها الزيت حتي تنحل من الوسط.

نقطرها من الزيت ،نحمي العسل ونعسلها ونرش عليها جنجلان.