إفتح في تطبيق كوكبادالخطوات
- 1
بسم الله نبدا على بركة الله اول حاجة نديرها نروح نجيب مقلاة نضع فيها 3 ملاعق كبيرة اكل من زيت عادي ونخليها حتى تسخن من جهة اخرى نروح نرحي بصل في اشوار 🧅 متوسط مع كمية من زيتون اخضر مرحي ونضعها في مقلاة ونحرك جيدا بالملعقة خشبية ونزيد نضيف لها 3 حبات من ثوم مرابي 🧄
- 2
ونخليهم يتقلو على النار هادئة ونزيد نضيف لها كمية من معدنوس مقطعة رقيق وكفتة مطحون حسب أفراد العائلة نتاعك ونزيد نضيف لها الثوابل:ربع مغرف صغيرة من قرفة مطحونة
- 3
ومغرف صغيرة من سكنجبير مطحون.ومغرف صغيرة من حرور.ومغرف صغيرة من كركم
- 4
ومغرف صغيرة من ثوابل دجاج مطحونة وربع كيس من ماجيك ذوق خروف ومغرف كبيرة اكل من معجون طماطم معلبة نقليها مليح
- 5
من بعد نزيد نضيف لها 3 حبات من بيض كاملين بحرارة المطبخ 🥚 ونخلط جيدا
- 6
من بعد نزيد نضيف لها انا كان عندي 2 حبات من جبن مثلث انتي يلا كان عندك ديري او مبشور جبن ونخلط جيدا ونصبها في صحن باش تبرد
من جهة اخرى نروح نجيب اوراق الديول وقسم على زوج نضع عليها الحشو
- 7
من بعد نزيد نضيف لها قطعة من جبن طري ونغلق عليها جيدا باش متنفتحش معاك مين يطيب
- 8
ونكمل كامل كمية بنفس طريقة وباش مينشفوش معاك ويتكسر معاك غطيهم بكيس بلاستيك باش ميدخلش هواء وتنشف
- 9
من بعد نروح نوجد مقلاة نضع عليها زيت عادي ونخليه حتى يسخن جيدا ونضع حبات مين يطيب نقلب ونخليه حتى ياخذ اللون ذهبي
اسمحيلي حبيبتي مصورتش كيفاش قطرته
من بعد نجيب صحن ونضع عليها ورق الماص باش يمتص كامل زيت ونضع حبات ونخليه حتى يقطر تماما ونضعها في صحن التقديم يجيك بنينة بزاف شهيتكم في الجنة ☺️☺️🫢🤭🤭🤭🤭
وصفات مشابهة
وصفات ننصحك بمشاهدتها
التعليقات (5)