بسم الله نبدا على بركة الله اول حاجة نديرها نروح نجيب طاسة نضيف لها 4 حبات من بيض كاملين بحرارة المطبخ و صفار بيض وبياض للترميد ورشة صغيرة من ملح 🧂 ونطلعوها مليح بالباتور حتى دير رغوة

نجيب كأس من السكر العادي ناقص اصبع نتاع سكر باش متجيكش حلو بزاف ونخلط جيدا بالباتور حتى نكمل كامل كمية بنفس طريقة مع خلط مستمر حتى يصبح لونها أبيض

ونزيد نضيف لها كاس من كاوكاو اخضر مرحي غبرة ونخلط جيدا بالفوي اليدوي من بعد نزيد نضيف لها كاس وربع من زيت عادي مع خلط مستمر حتى نكمل كامل كمية بنفس طريقة

حتى يصبح لونه ابيض وقوامه كثيف من بعد نزيد نضيف لها قطرات من اللوز حلو

نزيد نضيف لها كاس من نشاء مغربلة ونخلط جيدا بالفوي

من بعد نزيد نضيف لها فرينة مغربلة لجمع عجينة مع خميرة حلوة وزن 20 غ ونلم عجينة

من جهة اخرى نروح نجيب طاسة نضيف لها بياض بيض ورشة صغيرة من ملح 🧂 و قطرات من اللوز حلو وكاوكاو اخضر مرحي خشين شوية باش تسهال عليك الخدمة حبيبتي

من بعد نخرج عجينة من الثلاجة نخليها ترتاح لمدة 5 دقائق من بعد نشكل منها كويرات متوسطة الحجم نكمل كامل كمية بنفس طريقة ونغطيها بكيس بلاستيك باش ميدخلش هواء وتنشف من بعد نضعها مباشرة فوق بياض بيض ونرمدها مليح

ونضعها في كوكاو اخضر مرحي خشين شوية نرمدها مليح من جهة اخرى نروح نجيب صينية الفرن نضع عليها ورق زبدة باش متلصقش معاك مين يطيب

ونضع عليها حبات من كاوكاو اخضر حب حتى نكمل كامل كمية بنفس طريقة و ندخلها طيب على النار هادئة حتى تاخد اللون ذهبي ونشعل عليها باش تحمار ونخرجها

ومن جهة اخرى نروح نجيب طاسة نضيف عليها العسل بدون اي إضافات ونغطسها مباشرة في العسل لمدة 10 دقائق من بعد نضعها مباشرة في كسكاس باش قطر العسل الزايد ونضعها في

ليكيسات ونضعها في صحن التقديم يجيك يذوب معاك ومعسل حتى للقلب رووووعة في البنة شهية طيبة للجميع 🤤🤤☕