نضع في اناء الفرينة ونوضع حفرة في الوسط ونضع السمن الذايب يكون دافي ورشة الملح طبعا ونبسس باليد حتى ندخل كامل السمن فالفرينة ثم نبدا نجمع بالماء وماء زهر العجينة نلمها حتى نتحصل على عجينة طرية نوضعها في كيس بلاستيكي ونحطها بجنب

ناخذ اناء اخر نحط اللوز والسكر ونخلطهم ونحط ملاعق سمن ذايب ونبدا نضيف الماء الزهر بالتدريج حتى نتحصل حشو متماسك طري نوعا ما نغطيه بغلاف شفاف ونخلية

انا عملت العجينة والحشو صباحا خليتهم ارتاحو حتى المساء

ناخذ العجينة نقسمها بولات صغار كذلك الحشو نعمل بولات صغار اصغر من حجم العجينة نفتح العجينة لاحلال رقيقة ثم ناخذ حربوش اللوز ولف العجينة نروليها مليح ثم نعمل باصبع فتحة وندخل الجوانب مع بعض ونوضعها فمول فردي خاص بالكعيكعات ونثقبها بعود خشبي وندخلها الفرن على درجة حرارة 160 درجة حتى تاخر اللون المطلوب الذهبي نخرجها من الفرن ونخليها تبرد

اما الطلية انا خذاتلي ٤علب سكر ناعم ضفتلها حليب وعصير ليمونة وماء الزهر بالتدريج وبديت باليد نخلط فيها حتى نتحصل على القوام المطلوب مش خفيف مش ثقيل جد ونبدا نطلي الكعيكعات تانا حتى نغطي كامل الحبة حتى نكمل الكمية كامل ونخليهم ينشوفو بعدما ينشوفو مليح نفوت عليهم بالماع الذهبي ونوضع لاصق غذائي او سكر ناعم ملي تبقالنا ونزين بالورود ونوضعها في كيسات ورقية