بعد بسم الله ناخد المسفوف تاعي في جفنة نرشو بالماء حتى يتشمخ كامل مع تقليب باليد ونخليه ينشف نضيف الزيت نخلط حتى يدخل في كامل مسفوف ونحطو يفور للمرة الاولى بعد ما يفور ويطلع البخار تماما نحيه نحطو في جفنة ونعاود نشمخو بالماء مع القليل من الملح ونخليه ينشف ونحطو يفور للمرة الثانية

بعدما يفور للمرة الثانية نحيه نحط قطعة زبدة وحوالي زوج ملاعق او ثلاثة تاع سكر ونخلط جيدا حتى يتوزعو مليح ونرجعو يفور للمرة الثالثة نكون حطيت أولا الزبيب لي يكون سمختو نحط فوقو مسفوف ونحطو يفور للمرة الثالثة

بعدما يفور نحيه نضيف كمية مليحة تاع زبدة والسكر حسب الذوق وكاين لي يفضلو العسل و شهية طيبة