نحضر العجينة : في جفنة نحط دقيق بيض مع ملح وخميرة على جهة ثم نضيف قليل من ماء على الخميرة ونخلطو قليلا ،ثم نوزع على الخليط على باقي الدقيق مع إضافة الماء بالقليل حتى نكون عجينة متماسكة.

نعجن العجينة على الأقل 5د ثم نخليها ترتاح بينما نروح نحضر الحشو.

في مقلاة نضع قطع صغيرة من صدر دجاج ونحركها حتى تستوي، ننزعها من المقلاة ثم نضع بصل مقطع رقيق ونقلب حتى يذبل ،هنا نضيف طماطم مقطعة مربعات صغيرة ونقلب مع إضافة توابل وملح حتى تنضج نضيف ليها دجاج ونطفي و نخليها تبرد.

نرجع العجين نشكل خبيزات صغيرة نمررها في سميد متوسط ثم نفتحوها في الوسط ونضع قليل من الحشو و قليل من الجبن ثم نغلق عليها ونبسطها قليلا ونتركها ترتاح 15 او 10د.

نسخن طاجين على نار متوسطة ثم نطهي الخبيزات حتى تتحمر ثم نقدمها مع مشروب الهنا وشهية طيبة