نبدأ بتقطيع البطاطا ونضعها في طنجرة فيها ماء على نار عالية ونتركها حتى تطهى جيدا لمدة 45د أو ساعة كاملة بعد مرور هذا الوقت نشوفوا البطاطا اذا وجدت نلقاوها طرية نصفوها من الماء ونتركها مدة 15د لتبرد قليلا نهرسها نضع فيها 4 حبات جبن مثلثات أو أي نوع عندكم وانا كنت زدت جبن نابولي الخاص بالبيتزا كنت رابيته ونضيف دبشة مقطعة ونصف ملعقة صغيرة كركم وفلفل أسود وملعقة كبيرة ملح ونخلط المكونات

نضيف عليها بيضة كاملة ونعيد الخلط بعدها نغطيها بغلاف بلاستيك شفاف وندخلها البراد لمدة 20د لتبرد جيدا وتتماسك

في هذه المدة نكونوا جهزنا الخبز المطحون ونضعه في صحن كبير لنرمد فيه كريات البطاطا في صحن آخر نفقص بيضة كاملة ونخفقها قليلا ونضعه على جهة بعدها نخرج البطاطا من البراد ونخلطها قليلا ونبدأ بتشكيلها كريات ونحشيها من الداخل بجبن عادي مثلثات نستمر هكذا حتى ننتهي من كل الكمية الموجودة عندنا

نأتي بالخبز المطحون و صحن البيضة التي خفقناها نأخذ الكريات التي شكلناها نضعها في البيض واحدة تلوى الأخرى ونرمدوها في الخبز المطحون ونخبزها قليلا على شكل دائرة صغيرة وسمك غليظ

بينما نكمل الكريات نديروا مقلة تاعنا تسخن فوق نار عالية ونكونوا كملنا كامل الكريات والمقلة سخنت نحطوهم يتقلاوا حتى يتحمروا من الجهتين نفرشوا صحن تاعنا بورق يمتص الزيت ونحطوهم فيه ينشفوا من الزيت مدة 5د نستفوهم في طبسي أخر ونقدموهم مع عصرة قارص روعة بنة وبصحتكم حباباتي 😋😘