نفرغ السميد الخشن في جفنة كبيرة نضيف عليه ملعقة كبيرة ملح وكأس إلا ربع زيت ونخلط بأيديا لدمج الزيت والملح مع السميد يعني نبسوه مليح

بعدها نضيفوا الماء بالتدريج حتى نجمعوا السميد ونشكله عجينة متماسكة نفتحه بأيدينا على شكل دائري نقطعوه بالموس على شكل مربعات عشوائية

نحطوهم فصينية الفرن طبعا الفرن يكون مشتعل من قبل ندخلوهم للفرن نخلوهم مدة 30د او 35د على حسب درجة حرارة الفرن مانخلوهمش يطيبوا بزاف غير ينشفوا ويشدوا رواحهم جيدا نطفوا الفرن نخرجوهم نحطوهم فالجفنة تاعنا نفتحوهم بيدينا أو بملعقة الخشب حتى يتفتحوا كامل واذا فيها كرات نرحوهم يولي عندنا رفيس رطب وطري وعلى حبة وحدة

نعاودوا نحطوه فصينية وندخله الفرن مدة 10د او 15د بعدها نفرغه في الجفنة ونحركه قليلا نعمروه في الكسكاس ونكونوا درنا لقدرة تاعنا فوق النار فيها الماء لازم يكون سخون باش نفوروا الرفيس تاعنا لمدة 20د او 30د وباش نعرفوا رفيس تاعنا راه واجد نشوفوا بخار يطلع من فوق الرفيس الموجود في الكسكاس

بعدما يفور نديروه فالجفنة تاعنا تكون كبيرة نفتحوه غاية نخلوه يبرد براحته نروحوا نوجدوا في مقلة 3 ملاعق زبدة مع نصف كأس عسل حتى يذوبوا ونحرك جيدا ليتجانسوا (وطبعا يختلفوا على حسب الكمية لي راح نخدموها)

ونضيفوا عليهم كيلة من الرفيس مع التحريك المستمر حتى يتشرب كامل الزبدة والعسل طبعا النار تكون شاعلة نضيفوا عليه ربع كأس ماء الزهر ونخلط جيدا لمدة 5د

نطفئ عليه النار نضعه في صحن نضيفوا عليه ملعقة كبيرة عسل نزينوها بحلوة الشام او الترك وحبيبات شوكولا الملونة والتزيين يكون إختياري كل شخص يزينها كيما يحب ونقدموها وبالصحة ولهنا 😍😋