نبدأ اولا بوضع 4 كؤؤس حليب دافئ في وعاء كبير ثم نضيف كأس سكر مع ملعقة كبيرة مبشور الليمون وملعقة ونصف صغيرة فانيليا وأيضا ملعقة كبيرة خميرة الخبز ونخلط جيدا حتى يذوب السكر بعد الانتهاء نغطيه بغلاف شفاف بلاستيك مدة 30د حتى تتفاعل الخميرة

في هذه المدة نخلط في وعاء ثاني ملعقة كبيرة ملح وبيضتين كاملتين مع كأس ونصف زيت وملعقتين من الجلجلان المحمص ونخلط جيدا

بعد تفاعل الخميرة واختمارها نفرغ الخليط 2 مع الخليط الاول ونخلط لتمازج المكونات ونبدأ بوضع الفرينة بالتدريج مع كيس خميرة كيميائيّة وزن 10غرام

نبدأ بجمع العجينة بأيدينا حتى نتحصل على عجينة طرية وملساء وتلتصق باليد قليلا نضعها فوق طاولة العمل نعجنها مدة دقيقة او دقيقتين بعد ذلك نغطيها بغلاف بلاستيكي مدة 30د أو أكثر لترتاح العجينة ويتضاعف حجمها

بعدما العجينة يتضاعف حجمها نعجنوها شوية نخرج منها الهواء نضعها فوق طاولة العمل نقسمها على كريات متوسطة الحجم نضعهم في صينية نكونوا حاطين فوقها كيس بلاستيكي أو ورق الطهي لكي لا تتلتصق الكريات في الصينية نستمر هكذا إلا أن ننتهي من كمية العجينة الموجودة عندنا نغطيها بكيس بلاستيكي كبير أو قطعة قماش خاصة بالعجينة مدة 20د لترتاح جيدا بعدها نخبز الكريات بأيدينا على شكل دائري واحدة تلوى الأخرة حتى نكملهم جميعا

نلفهم أو نروليهم ونقفل بأصابعي طرف النهاية ونضعهم في الصينية طبعا تكون مفروشة بكيس بلاستيكي أو ورق الطهي نكمل كامل الكريات على نفس الطريقة ونغطيهم ليرتاحوا مدة 15د أو أكثر

بعد هذه المدة نلقاوهم رتاحوا جيدا نحلوهم على شكل حربوش طويل نقص الأطراف بالمقص ونشكله على شكل دائري نستمر هكذا حتى نكملوا كامل الكمية نحطوهم في الصينية نغطوهم ونخلوهم يرتاحوا مدة 30د أو أكثر في هذه الأثناء نشعل الفرن ونتركه يسخن جيدا

بعدما مر الوقت ورتاحوا جيدا وتضاعف حجمهم نضع في صحن صغير صفار بيضة فقط مع 5 ملاعق حليب ونخلط جيدا ندهن بيه وجه الكعك ونرش القليل من الجلجلان او حبة السوداء حسب الرغبة

ندخلهم للفرن لي كنا شعلناه سابقا ونتركهم يطيبوا مدة 25د تقريبا على حسب درجة حرارة الفرن بعدها نخرجهم ونتركهم يبردوا قليلا مدة 5د ونقدموه مع شاي أو قهوة في صباح او المساء وبصحتكم وشكرا 😋♥