نحضر كل المكونات ونبدأ على بركة الله، في إناء واسع نحط المارغرين ورشة الملح ومركز عطر القهوة مع السكر الناعم ونخلط بيدي مليح حتى يصبح المزيج كريمي ثم نضيف الزيت ونخلط.
نصيحة: ✨يمكن خلط المكونات بالباتور (الضراب الكهربائي)

ثم ضفت حبة البيض كاملة وصفار حبة بيض ونكمل نخلط الكل جيداً حتى تنسجم المكونات.

ثم نضيف القاوقاو محمص ومرحي متوسط ندخلو مليح ونبدأ نلم بالفرينة (نغربلها بطبيعة الحال) حتى نتحصل على عجينة طرية وفي نفس الوقت متماسكة (نلموها فقط ما نعجنوهاش).
ملاحظة: ✔في هاذ الوصفة ماستعملتش الخمارة.

نغطي لعجينة ونحطها في الثلاجة الوقت اللي نظّف فيه مكان العمل تقريبا 10 دقائق، نجيب القوالب الصغيرة (استعملت شكل الجوزة) ندير كمية من العجين في الوسط ونحاول نمشيها على كامل الجهات وننزع الزائد نحطهم فوق صينية ونبيكيهم بعود الشواء، وندخلها للفرن المسخن مسبقا على درجة حرارة متوسطة، ما يديش الوقت في الطياب.

كي يطيب الصابلي نخليه حتى يبرد ونديموليه باش الحبات ما يتكسروش معانا لأنو هشيش بزاف.

في هاذ الوقت نروح نوجد الكريمة نجيب حوالى 150 غ من الكريمة بذوق الفاني التي تعتبر كقاعدة كنت 👈🏻حطيت الوصفة من قبل يمكن تفقد الطريقة بالتفصيل من خلال هذا الرابط👇🏻، ونضيف عليها شوكولاته الطلي مع ملعقة قهوة سريعة الذوبان ذوبتها في 2 ملاعق كبار ماء وربع ملعقة صغيرة مركز عطر القهوة لتعزيز الذوق ونضرب مليح حتى تتجانس المكونات وتذوب تماما حبيبات القهوة ويصبح قوامها خفيف وبزاف بنين.

نعمر الفراغ بالطوفيا كراميل (استعملت ليكيد الكابريس) وفوقو ضفت كريمة الزبدة بذوق القهوة.

والجزء الآخر عمرتو بكرانشي الكراميل وهكذا حتى نكمل كل الكمية اللي عندي نحاول نليسي مليح كريمة الزبدة.

ونلاقي كل زوج حبات مع بعض نخليهم بجيه.

ونروح نوجد القلاصاج: ذوبت الشوكولا البيضاء في حمام مائي وضفت عليها الزيت ومركز عطر القهوة (يمكن إستبداله بمركز عطر الكراميل يعطينا نفس اللون) خلطت مليح مليح وبديت نقلاصي الحبات اللي عندي نحاول نتخلص من الفائض من الشوكولا قدر المستطاع ونحطهم فوق ورق الزبدة أو بلاستيك غذائي

بنفس الطريقة حتى نكمل كل الكمية اللي عندي وقبل ما تنشف نرش عليها رشات خفيفة من الكاكاو البني المر ونحط في الوسط حبة شوكولاته على شكل حبة القهوة (خدمتها بمول كريستال خاص بحبات القهوة) والتزيين دائما يبقى إختياري.

بنفس الطريقة كملت كل الكمية اللي عندي.

وقدّمتو بألف صحة وهنا 😋👌🏻😋

يجي مزيج رائع بين الكراميل وذوق القهوة بنة عظيمة 👌🏻وشهية طيبة للجميع 🥰💐🥰