نبدأ على بركة الله، غسلت السلق جيداً ودرت قطرات من الخل في الماء وشللت الأوراق مليح وحطيتهم يستقطرو، وقطعتهم كما هو موضح في الصور، حطيتو يفور مايديش كامل الوقت أقل من 10 دقائق يوجد.

في هاذ الوقت نحضر الصلصة في مقلاة حطيت الزيت مع الزبدة يسخن شوية ضفت عليه الثوم مبشور قليتو شوية، ثم ضفت الطماطم المصبرة حليتها في شوية ماء خلطت الكل وضفت التوابل (الملح حسب الذوق ما لازمش نكثرو لأن السلق شوية مالح) وفلفل الأسود والكركم وفلفلة حمرة نخلط الكل جيداً.

ثم نضيف السلق اللي فورناه وهو سخون، دائما على نار متوسطة إلى هادئة. نحرك مليح حتى تنسجم كل المكونات، نغلق عليه ونخليه يتشرب التوابل مدة 10 دقائق.

ثم ضفت الكمون خلطت مليح وفي الأخير ضفت البيض (العدد يبقى على حسب الرغبة) غلقت على المقلاة وخليتو يطيب مدة 05 دقائق وكان واجد.

عند التقديم رشيتو بالقليل من زيت الزيتون إضافة إختيارية لكنها تزيد في البنة، وقدّمتو بألف صحة وهنا جا بزااااف بنين 👌🏻😋

وشهية طيبة للجميع🥰💖🥰