نبدأ بسم الله ونجيب طاسة الخلاط الكهربائي نحط فيها كاس حليب دافئ مع ما ك سكر وم ك خميرة الخبز وحبة بيض وفنجان صغير زيت زيتونة او زيت ونخلط الكل جيداً ثم نضيف الفرينة تدريجيا مع ما ص ونخلط حتى نتحصل على عجينة طرية نوعا ما

نغطي العجينة ونخليها تختمر ثم نرجع نحضر الحشو نجيب صدر دجاج نقطعو مربعات ونحطو في صحن ونضيف عليه التوابل المذكورة والكريمة السائلة والخردل وم ص ملح وم ك خل

نخلط الدجاج جيداً ونتركه على جنب ثم نحضر الكريمة في كسرونة نحط كاس كريمة سائلة مع جبن مبشور وم جبن طري وشرائح من الجبن ونحطها على النار ونضيف عليها رشة فلفل اسود

بعد ما اختمرت العجينة نرش طاولة العمل بالفرينة ونقسم العجينة على قسمين ثم نحب الجزء الاول ونجيب سينة فرن دائرية الشكل نحط عليها ورق طهي ثم نحط العجينة الأولى ونقطع الحواف ثم نضيف بطاطا مقلية فوق العجينة ثم نفرغ كمية الدجاج بعد ماقليتها ونضيف من فوق جبن موتزاريلا مبشور

نغلق بالعجينة الثانية كما في الصورة وندهنها بصفار البيض ونضع كمية جيدة من جبن مبشور ونزينها بشرائح من الفلفل والسينوج ونشعل الفرن يسخن مسبقا وندخل تطيب اي تستوي من أسفل ثم نشعل عليها من فوق تتحمر جيداً

بعد ما اخذت اللون الاحمر نخرجها ونخليها تبرد ثم ننزعها من الصينية ونقطعها مثلثات ونخليها تبرد

في الاخير شكل الفطيرة تقدم مع حساء الخضار