نحضّر كل المكونات ونبدأ على بركة الله، في إناء نضرّب البيض مع السكر ورشة الملح حتى يبياض الخليط ويذوب السكر نوعا ما.
ملاحظة: ✔الكاس اللي عبّرت بيه سعته 200 ملل.

نضيف الزيت بالتدريج مع الخفق المستمر ثم نضيف ملعقة كبيرة مربى المشماش وبودرة الفاني مع مركز عطر الزبدة نخلط الكل جيدا.

ثم نضيف الحليب الدافئ بالتدريج مع الخفق المستمر حتى تتجانس كل المكونات.

ثم نضيف النواشف (الفرينة والخمارة المغربلين) ندخلهم على دفعات باش نحافظ على الهواء اللي راه في الخليط، حتى نحصل على قوام متجانس كما هو موضح في الفيديو.

نصب الخليط في مول مدهون ومرشوش بالفرينة نحاول نرفع يدي كي نكون نفرغ الخليط، نعمل خط من الفوق بعود الشواء وندخلها للفرن المسخن مسبقا، 10 دقائق الأولى على نار عالية ومن بعد نقص عليه النار تحت المتوسط ونخليه يطيب (يستوي) على خاطرو، دات معايا 40 دقيقة تقريبا.

كي يطيب (يستوي) نقلبه على مشبك باش يبرد، كي برد تماما مسحت الوجه بمربى المشماش كنت دفيته شوية ورشيت من فوق جوز الهند ويبقى التزيين إختياري أنا هذا واش كان عندي.

ويقدم بألف صحة وهنا😋🤍😋.

يجي رطب وهشيش👌🏻 وبزاف بنين😋، شهية طيبة للجميع 💐🥰💐