نبدا بسم الله ونجيب كمية اللحم المفروم نحطها في صحن ثم نجيب مقلاة نحط فيها م ك زيت ونحطها عالنار ثم نضيف اللحم ونحط عليه توابل اللحم وفلفل اسود وبابريكا حلوة وثوم مبشور نخلط الكل جيدا مع اللحم ونحلو جيدا بالشوكة

نحط عليه م ص ملح ونبقا نخلط على نار هادئة حتى ينضج ثم نفرغو في صحن

نجيب 2حبات بطاطا نقسها مربعات صغيرة جدا ثم نقليها مباشرة في زيت ساخن

نحطها في صحن كذلك ثم نحضر خبز التورتيلا 4اوراق ويكون حسب أفراد العائلة

نجيب 2حبات بيض نخلطهم جيدا في صحن

نفرغ خليط البيض على خبز التورتيلا ثم كمية من اللحم المفروم نوزعو على كامل البيض ثم كمية من البطاطا المقلية ثم نحط كمية من طماطم مقطعة مربعات ثم حبات جبن مثلثات مع رشة ملح ورشة فلفل اسود ثم نغلق بورقة ثانيا من الخبز

نغلق الورقة الثانية بالاولى ثم نحط غطاء المقلاة ونخليها تنضج على نار هادئة ثم نقلبها عالجهة الأخرى

نخلي الخبزة تنضج جيدا ثم نحطها في صحن التقديم ونكمل الورقتين بنفس الطريقة ثم نقطعها إلى مثلثات صغيرة

في الاخير نحط المملحة في صحن التقديم ونقطعها إلى مثلثات ونقدمها كوجبة خفيفة للعشاء

جات بزاف لذيذة نتمنا تجربوها خاصة واحنا في فصل الصيف يصعب علينا الطبخ لذلك نحتاج إلى وصفات سهلة وسريعة التحضير