نبدا بسم الله ونجيب ريسبيون نحط فيه الزبدة ثم رشة ملح ونصف كاس سكر ناعم م ك فانيلا وحبة بيض مع صفار بيضة نخلط جيدا ثم نضيف 2م ك شعيرية باكستانية و م ك بستاش مرحي ونخلط جيدا ونضيف2م ك كراميل

نبدا باضافة الطحين تدريجيا مع م ص خميرة الحلوى ونخلط جيدا حتى نتحصل على عجينة متماسكة نغطيها ونخليها ترتاح

نجيب مول سليكون شكل قلب ونحطها في سينية فرن ثم نحط كرة من العجينة وزن 20غ في كل قلب حتى نكمل كامل العجينة ونشعل الفرن يسخن جيدا ثم ندخل السينية من أسفل حتى يطيب جيدا ثم نشعل عليه من فوق يتحمرو ونخرجو نخليه يبرد قليلا ونقلب مول السليكون نتحصل عالشكل الموضح فالصورة

نجيب كريمة البستاش جاهزة نعمر بيها حبات الحلوى ونخليها على جنب

تذوب شوكولا بالحليب على حمام مائي حتى تذوب تماما ونضيفلها 2م ك زيت (كل 100غ شوكولا م ك زيت) ثم نجيب كمية قليلة من المكسرات محمصة ومرحية متوسطة نضيفها عالشكولاتة ثم نغلف حبات الحلوى بالشوكولا ونحطها فوق بلاستيك ونخليها حتى تجمد

انا كانت خلاصتلي شوكولا بالحليب بقية الحلوى غلفت بشوكولاتة بيضاء مع القليل من الشوكولاتة المتبقية بالحليب نتحصل على لون الكراميل غلفت باقي الحبات ونخليتهم يجمدو

شكل الحلوى بعد ما جمدت تماما نحضر بعد ذلك عجينة السكر بيضاء ومول سليكون خاص بالنجاح ونشكل قبعة تخرج واشكال أخرى

فالاخير نلصق قبعات التخرج بالقليل من الشوكولاتة فوق حبة الحلوى ونلصقهم وزينتهم فالاخير بملون غذائي أصفر

أخيرا حطيت حبات الحلوى في كيسات ورقية والافصحة هذا الصابلي بريستيج حضرتو لنجاح سنة 5ابتدائي