نحضر المكونات الخاصة بالكريمة ونبدا على بركة الله، في كاسرونة نحط الحليب والسكر وحبة البيض والمايزينة وبودرة الباتسيير ، نخلطو الكل بارد في بارد ونحطها فوق النار متوسطة مع التحريك المستمر.

حتى تعقاد وثثقال وقبل ما نطفي عليها ضفت الشكولا البيضاء مقطعة قطع صغيرة باش بلخف ذوب خلطت مليح وطفيت عليها، وفي الأخير ضفت عليها لفاني خلطت مليح حتى تجانست المكونات.

فرغتها في طبسي واسع وغطيتها ببلاستيك غذائي ودرتها في المجمد باش تبرد سريعا، في هاذ الأثناء وجدت كريمة الشونتيي في إناء حطيت الماء البارد جدا مع بودرة الشونتي وضربتهم مليح حتى بدات تثقال.

ضفت علبة القشطة مع الخلط المستمر، خرجت كريمة الباتسيير اللي كانت عندي في المجمد ضربها شوية باش تخفاف، بديت نضيفها بالتدريج على كريمة الشونتيي مع الخلط المستمر حتى نساجمت الكريمتين.

من جهة أخرى ديت 2 ملاعق كبار من مربى أو كولي الكرز 👈🏻كنت حطيت من قبل أكثر من وصفة خاصة بكولى الكرز يمكن تفقد واحدة منها من خلال هذا الرابط👇🏻 ضفت عليه كمية قليلة من الكريمة طحنت الكل بالبرا ميكسور، قسمت الكريمة البيضاء على إثنين قسم خليتو أبيض بنكهة الفاني وقسم ضفت له هذاك المربى الكرز اللي كنت طحنتو خلطت مليح حتى تحصلت على كريمة ذوقها رائع بنكهة الكرز.

فرغت الكريمة بذوق الكرز في مول السلكون مستطيل وزدت فوقها الكريمة البيضاء، غطيتها ببابي فيلم ودخلتها للمجمد ليلة كاملة.

كي خرجتو من المجمد قلبتو على الطبسي وزينتو بكولي الكرز من فوق وقدمتو مع حبيبات الكرز🍒

بزاف بنين😋 ويبرد على القلب 👌🏻وشهية طيبة للجميع🍒🥰🍒.