نبدا بسم الله ونجيب كسرونة نحط فيها كاس ماء وكاس الاربع زيت ونخليهم على جنب

نرجع نحضر الكيك في رسبييون نحط 4بيض مع رشة ملح وكاس سكر ونخلط جيدا حتى بياض الخليط ثم نضيف 2كاس إلا ربع طحين وكاس الاربع كاكاو منخولين من قبل نضيفلهم على خليط البيض مع م ص خميرة الحلوى وم ص بيكربونات الصوديوم نخلط الكل جيدا ثم نضيف الماء والزيت بعد ما سخنهم عالنار حد الغليان

نخلط جيدا حتى نتحصل على خليط خفيف نوعا ما

نجيب صينية ابعادها 30/40 نفرشها بورق الطهي ونفرغ الخليط نسخن الفرن مسبقا على درجة حرارة 180د وندخل الخليط ينضج من تحت ثم نشعل عليه من فوق ونخرجو ونخليه يبرد نجيب سارسو شكل مستطيل ونقطع الكيك على 2

نحط الجزء الاول من الكيك داخل السارسو ونشربو بقليل من القهوة ونخليه ونرجع نطلع الكريمة في رسبييون حطيت 2كاس شانتي مع كاس حليب بارد وكاس قهوة باردة

نخلط جيدا حتى يتضاعف الخليط

نقسم الكمية على 2نصف نحط. فوق طبقة الكيك

نحط مكسرات مقطعة رقيق ثم القليل من شكولاتة الطلي ثم نحط الجزء الثاني من الكيك ونضغط جيدا

نفرغ كمية الكريمة المتبقية فوق سطح الكيك ونسويه جيدا ثم ندخلها المجمد حوالي 2ساعة بعد ذلك تذوب علبة شوكولاتة بالحليب على حمام مائي مع 2م ك حليب عالنار ونفرغ الشوكولاتة من فوق على كامل السطح وندخلها المجمد

بعد ما نخرجها نسخن سكين جيدا ونقطع الحواف ثم نقطع إلى قطع طوليا كنا فالصورة ثم نحطها في صحن لحين التقديم

فالاخير شكل لي طرونش باتيسري