نبدأ على بركة الله، نقي الجزر والبطاطا ونقطعهم بنفس الحجم ونحطهم في كسكاس مع الجلبانة وندردر عليهم شوية ملح ونحطهم يفورو، من جهة أخرى نقي الخيار والبصلة والطماطم ونقطعهم ونخليهم بجيه وفي إناء نحط حوالي غرفية أرز مسلوق في شوية ملح مع علبة تونة نصفيها من الزيت.

ومن جهة أخرى في كاس نحط الخل وزيت الزيتون والملح نخلطهم مليح مليح حتى يذوب الملح، كي تفور الخضرة اللي عندي نحطهم في صحن نضيف عليهم الذرة المعلبة نضيف القليل من التتبيلة ونخلط، ونضيف تاني القليل من التتبيلة على الأرز ونخلط وفي الأخير نضيف المايوناز ونخلط حتى تتجانس المكونات.

نجيب مول دائري نفرغ نصف كمية الأرز ونرصها مليح ثم نضيف الخضر ومن فوق نضيف ما تبقى من الأرز ونرصو مليح ننزع القالب الدائري ومن فوق نحط جبن غرويار (ممكن تعويضه بالمايوناز) ونزين بحبات الزيتون الملون مع الخيار المخلل ونستف ساير داير الخيار والطماطم والبصل (نتبلوهم حتى هما).

وقدمتها بألف صحة وهنا 😋👌🏻😋 تجي خفيفة وبزاف بنينة وشهية طيبة للجميع🥰