نبدأ بإسم الله، أولا نحمص السميد كنت 👈🏻حطيت الطريقة من قبل يمكن تصفح ذلك من خلال هذا الرابط👇🏻 ونحمّر الحليب بودرة حتى يدي لون ذهبي.
ملاحظة مهمة: ✔الكاس اللي كيّت بيه سعته 350 ملل.

نطحن البندق وندي مقدار 2 ملاعق كبار، ندفي زبدة أو مارغرين ونعبر كيلة، ونعبر كيلة إلا ربع عسيلة ونحضر كل المكونات باش نسهل العملية، نحط الزبدة والعسيلة في كاسرونة ونديرها فوق النار متوسطة تسخن مليح ما لازمش تغلي مع التحريك المستمر.

نحيها من على النار ونفرغها في صحن نضيف رشة الملح والقرفة وحلوة الترك والحليب بودرة المحمص مع 3 ملاعق كبار ماء الزهر ونميكسي الكل بالبرا ميكسور جيدا حتى تتجانس كل المكونات ويصبح القوام شوية ثقيل.
ملاحظة: ✔هاد العملية تساعد باش من بعد ما تصفيش لي دام.

ثم نضيف البندق المحمص والمطحون دفة واحدة أما السميد نضيفو بالتدريج مع الخلط بالسباتول فقط.

نخليها شوية جارية، دات معايا زوج كيلات معمرين. نغطيها ببابي فيلم ملامس للسطح ونخليها مدة ساعة تريح.

كي تريح تحكم روحها شوية وهذاك السميد يجي رطب في الفم لأننا أضفنا ماء الزهر، فرغتها في صحن التقديم.

وزينتها تزيين بسيط كما هو واضح في الصور. وتقدم بألف صحة وهنا🥰جات بزااااف بنينة 👌🏻😋👌🏻