نفرد الشعيرية منيح منيح و نفكها عن بعضها و نصب عليها السمن العربي و نفركها بأيدينا منيح لحتى كل الشعيرية تشرب ال سمن

نمد نصف كميه الشعيرية بصينيه متوسطه تيفال ونضغطها منيح لتكون كلها مستوى واحد و نحمرها من تحت و من فوق لحتى نحصل عاللون المرغوب و نقلبها على جنب

نمد النصف الاخر من الشعيرية و نفس الطريقه نضغطها منيح بايدنا بالصينيه لتكون كلها بمستوى واحد و نحمرها من تحت و من فوق لنحصل عاللون المرغوب و ضروري نضل نبرم الصينيه كل شوي حتى تتحمر كلها ما تتحمر بالنصف و على الاطراف لا... هيك منحصل على الطبقه التانيه منقلبها بصينيهتانيه على حنب

بس يبردو منحط اول طبقه الشعيرية و فوقها القشطه و منحط الطبقه التانيه فوق القشطه و منزين من فوق بقشطه و فستق حلبي

ملاحظه ما منسقيها بالقطر الا وقت الاكل منشيل قطعه و منضيف فوقها شويه قطر

القطر كوبين سكر و كوب ماء و عصره صغيرة حامض و ملعقة ماء زهر نحركهن على نار متوسطه حتى يغلو منتركن يغلو شوي و منطفي تحتن