بالنسبة للكيلة انا استعملت غرفية تاع شوربة. نخلط السميد و الفرينة (طحين) و الملح والخميرة ثم نضيف السمن الذائب و نخلط مليح حتى يتبسس الخليط ثم نضيف كيلة حليب و نخلط و نخلي الخليط يتشرب مليح الحليب. انا السميد تاعي يشرب لقيتو ناشف بزاف زدتلو شوي حليب. انتي جربي و شوفى اذا نشف بزاف زيدي حليب بالتدريج حتى تتحصلي على عجينة طرية. نقسم الخليط الى قسمين واحد يكون أكبر من الثاني.

بالاستعانة بكيس بلاستيكي نشكل قرصة بالقسم الصغير. الغرس نحلو قرصة قد العجينة الاولى و نحطها فوقها و نسقمها مليح. القسم الثاني من العجينة نفتتو على الغرس و نحاول نسويه مليح و نقفل الاطراف. نحل القرصة بالحلال الى سمك 1 سم تقريبا. و نقطع القرصة الى معينات او أي شكل تحبيه.

نطيب البراج فوق طاجين الحديد على نار متوسطة و نحمروهم من الجهتين. قلبيهم بلعقل باه ميتفتتولكش وشهية طيبة. عطلة سعيدة