اولا نقي الغرس نزيل نواة ونرحي الغرس في رحاية اللحم حتى نتخلص من كل نواة وشوائب ثم نضيف القرفة والقرنفل والجلجلان ونعجنو شوي بقليل من زيت حتى يصبح طري تماما

نحضر العجين في إناء او قصعة نحط الدقيق السمن والجلجلان ونبدا بيدي نحك هداك السمن مليح مليح في الدقيق يعني نخلط ونحك الدقيق بين زوج يدين ولمعرفة البسوس ادا تمام نعمل كرة ونرميها فوق الدقيق ادا بقاة مجموعة معناها راح مليح البسوس نضيف الملح ونبدا نجمع بالماء الزهر دون عجن حتى نتحصل على عجين متماسك نغطيه ونخليه يريح ساعة

نقسم العجين إلى قسمين نفتح كورة أولى فوق بلاستيك نزيد نفتح الغرس كرة بنفس الحجم ونحطها فوق الكرة الاولى ثم نبدا نهز عجين الكرة الثانية ونغلف الغرس

نضغط على الطبقة الاخير باليد حتى تستوي نغطيها ببلاسيك ونبدا نطرحها بالحلال حتى نتحصل على قرصة كبيرة بسمك واحد سم نطبع بطابع او نقسها مباشرة بسكين على شكل مقرودات

ونكمل حتى نكمل كامل الخبزة نخليه يبات او يريح نص نهار ونبدا نطيب فيه نحط طاجين طين وفوقو طاجين حديد على نار متوسطة نحط حبات فقط دون تحريك بزاف حتى يطيب من جهة تحتية نقلبو للجهة الثانية وشهية طيبة