في إناء نضع الفرينة الخميرة السكر الحليب ونخلطهم نضيف الملح ونلم العجين بماء دافىء حتى نتحصل على عجينة شوي طرية نخليها تريح ربع سا وندخل فيها زبدة منخافش منها راح تتلاصق لكن نبقي ندلك حتى تدخل كامل زبدة ونتحصل على عجين طري ورطب نغطيه ونخليه يخمر حوالي ساعتين

نحلها بالحلال على شكل مستطيل قد طول القالب ونلفها متل بسكوي رولي

نحطها في قالب ونضغط قليلا بيدي ونخليها تخمر حتى تضاعف ويوصل لحافة القالب ندخلها للفرن مسخن مسبقا راح تدي معي حوالي 45 د انا اخد لون مع بعض كي كن فوق كي من تحت

نخليها حتى تبرد تماما ونحطها في ورق شفاف غدائي وندخلها لثلاجة تبات ليلة كاملة ونقصها غدوة ونستعملها انا عملت بيها خبز توست محمص معسل تلقاوه في وصفاتي ساندويشات البيض في الفرن راح نحط الوصفة